پێشمەرگەیەک لە چیای گۆیژە کۆتایی بە ژیانی خۆی هێنا

پێشمەرگەیەکی خێزاندار لە کاتی دەوامدا چووە چیای گۆیژە و کۆتایی بە ژیانی خۆی هێنا.

ئەمڕۆ چوارشەممە، گوڵفرۆشێک تەرمی پێشمەرگەیەکی دانیشتووی پارێزگای هەڵەبجەی بە ناوی (لێزان لوقمان)ـی تەمەن 30 ساڵان دۆزییەوە، کە خێزاندارە و خاوەنی منداڵێکە.

بەگوێرەی زانیارییە سەرەتاییەکان، ئەو پێشمەرگەیە لە کانی گۆمە دەوامی کردووە، شەوی ڕابردوو لەکاتی دەوامەکەیدا، چەکەکەی بردووە و چووەتە سەر چیای گۆیژە، دواتر لە نێو ئۆتۆمبێلەکەی کۆتایی بە ژیانی بە خۆی هێناوە.