سبەی 4 کاتژمێر کارەبا دەبڕدرێت

بەڕێوەبەرایەتی گشتی كارەبای سلێمانی ئاگاداری چەندین شوێن لە سنووری پارێزگای سلێمانی دەکاتەوە، کە سبەی بۆ ماوەی 4 کاتژمێر کارەبایان دەبڕدرێت. 

ئەمڕۆ دووشەممە بەڕێوەبەرایەتی گشتی كارەبای سلێمانی لە ئاگادارییەکدا جەخت لەوە دەکاتەوە، ئاگاداری دانیشتووی چەند شوێنێک دەکەنەوە کە سەر وێستگەی مۆبایلی 132/11ـی باریکە، سبەی بەهۆی کارکردن لە هێڵی 132 کەی ڤی ئەزمەڕ - دەربەندیخان لە کاتژمێر 8 ـی بەیانی بۆ 12ـی نیوەڕۆ بێ کارەبا دەبن.

ناوی ئەو شوێنانەی کە بۆ ماوەی 4 کاتژمێر دەبڕدرێت:

-بەشی خوارەوەی گەڕەکی شەهیدان لە عەربەت.

-کۆمەڵگەی باریکە، گوندی باریکەی کۆن و کەمپی پەنابەرانی باریکە.

-هەردوو گوندی نێستانسور و پڕۆژەی ئاوەکانی بێستانسور.

-گوندەکانی خرابە زێڕینجۆ، کاژاو، چناخچیان و پوشێن.

-ناحیەی بەرزنجە و گوندەکانی دەوروبەری.