هەڵمەتی کوتانی ڤاکسینی ئەنفوڵانزای وەرزی لە هەولێر دەستیپێکرد

هەڵمەتی کوتانی ڤاکسینی ئەنفوڵانزای وەرزی لە هەولێر دەستیپێکرد

تەندروستیی هەولێر هەڵمەتێکی کوتانی ڤاکسینی دژی نەخۆشیی ئەنفلۆنزای وەرزی بۆ خانەنشینان و بەساڵاچووانی دەستپێکردووە.

لەگەڵ هاتنی وەرزی پایز و لەپێناو تەندروستیی هاووڵاتییان، تەندروستیی هەولێر ئەمڕۆ یەکشەممە، لە باغی شار هەڵمەتێکی کوتانی ڤاکسینی دژی نەخۆشیی ئەنفلۆنزای وەرزی بۆ خانەنشینان و بەساڵاچووان دەستیپێکردووە و تا چەندین ڕۆژ هەڵمەتەکە بەردەوام دەبێت. 

بەڕێوەبەری گشتیی تەندروستی هەولێر بە میدیاکانی ڕاگەیاندووە، هەڵمەتەکە لە سبەی دووشەممەوە دەستپێدەکات و مەبەست لێی، یارمەتیدانی ئەو کەسانەیە کە ناتوانن سەردانی بنکەکانی تەندروستی بکەن، لەم ڕێگەیەوە هاووڵاتیان هۆشیار دەکەنەوە کە ڤاکسینی دژە ئەنفلۆنزا لە بنکەکانی تەندروستی بەردەستە و دەتوانن خۆیان ڤاکسین بکەن.