گۆڕینی ناوی فڕۆکەخانە دژی سلێمانییە

بڕیارە ناوی فڕۆکەخانەی نێودەوڵەتی سلێمانی بگۆڕدرێت بۆ فڕۆکەخانەی جەلال تاڵەبانی دەستەی داکۆکیکردن کارەکە بە دژی سلێمانی ناو دەبات.

ئەمڕۆ سێشەممە دەستەی داکۆکیکردن لە سروشت و موڵکی سلێمانی لە ڕاگەیەندراوێکدا ئاشکرای دەکات، تاڵەبانی زیاتر لە نیو سەدە لە تەمەنی خۆی بۆ گەلەکەی تەرخانکردووە بەڵام ئەمە پاسا و نییە بۆ ئەوەی ڕێکخراوێکی حزبی و سەر بە ماڵباتی تاڵەبانی بێ گەڕانەوە بۆ پەرلەمان و حکومەتی هەرێمی کوردستان، ڕاستەوخۆ بڕیاری گۆڕینی ناوی ئەو دامەزراوەیە بدرێت.

بەگووتەی دەستەکە، هەنگاوی ناو گۆڕینی فڕۆکەخانەی سلێمانی جگە لەوەی دژی مێژووی سلێمانییە وەکو درۆی ئەو پەسن و پێداهەڵدانەش بە ڕوونی دەردەخات کە ناو بە ناو و بەتایبەتی لە دەمی بانگەشەی هەڵبژاردندا، ڕاگەیاندن و سەرکردەکانی یەکێتی، سلێمانی وەکو "شاری شاران" وەسف دەکەن.

 دەستەی داکۆکیکردن لە سروشت و موڵکی سلێمانی جەخت لەوەدەکاتەوە، گۆڕینی ناوی فڕۆکەخانەی سلێمانی بە سەرپێچییەکی گەورە دەزانن و داوا دەکەن  لەسەر مانەوەی ناوی فڕۆکەخانەی سلێمانی وەک خۆی.