خۆڵبارین دەگاتە هەرێمی کوردستان

ئەمڕۆ چوارشەممە محەممەد کەلاری، شارەزای کەشناسی لە بڵاوکراوەیەکدا ڕاگەیاند، بەهۆی کاریگەری چالاکی بای باشوری خۆرئاوا بەڕێژەی 35 بۆ 40 کیلۆمەتر لەکاژێرێکدا تۆز و خۆڵێکی زۆر بەرز دەبێتەوه.

وادەی گەیشتنی خۆڵبارینەکە بۆ هەرێمی کوردستان ئاشکرا دەکات،  لە ئێوارەی ڕۆژی هەینی ئەوو خۆڵبارینە دەگاتە هەرێمی کوردستان و زۆربەی ناوچەکانی کوردستان دەگرێتەوه.

باسی لەوەشکرد، کاریگەری شەپۆلە خۆڵبارینەکە لە هەرێمی کوردستان مامناوەند بۆ چڕه و کاریگەری زیاتر لەسەر گەرمیان و کەرکوک و هەڵەبجە و دەشتی هەولێر و بەشێکی سلێمانی دەبێت، و ناوچەکانی دیکە بەئاستێکی لاوازتر کاریگەری لەسەردەبێت.

محەممەد کەلاری وادەی کۆتایی هاتنی شەپۆلەکە دەخاتەڕوو، کاریگەری ئەم خۆڵبارینە تا نیوەڕۆ بۆ ئێوارەی ڕۆژی شەمەیە و پاشان کۆتایی پێدێت، هەر لەڕۆژی هەینیش بەدوری نازانم لە سنووری نێوان هەرێمی کوردستان و کوردستانی خۆرهەڵات بڕێک بارانی کەم ببارێت.