موبەڕیدەکانتان بکوژێننەوە کەشوهەوا فێنک دەبێتەوە

شارەزایەکی کەشناسی پێشبینی دەکات، کەشوهەوای هەرێمی کوردستان لە چەند ڕۆژی داهاتوودا فێنک ببێتەوە.

ئەمڕۆ دووشەممە خەڵات سدیق، شارەزای کەشناسی بڵاویکردەوە، ئێوارەی رۆژی هەینی بارستە هەوایەکی سارد بەشەوان و بەرەبەیانی نیمچە فێنک کاتەکانی نیوەرۆ ناوچەکانی عێراق و هەرێم دەگرێتەوە.

ماوەی کەشوهەوا فێنکەکە ئاشکرا دەکات، بۆ ماوەی 4 رۆژ بەردەوام دەبێت، لەکۆتایی مانگ ئەگەر هەیە هەمان حاڵەت دووبارە بێتەوە.

لەبارەی دەستپێکردنی بارانبارین گووتی: "هیچ ئەگەرێک نییە لەم نزیکانە بارانبارینی تیابێت ئەوەی هەیە یەک دوو ناوجەیەکی کەم نەبێت بەرێژەی یەک ملیم".

خەڵات سدیق جەختیش لەوەدەکاتەوە،  زۆربەی ناوچەکانی هەرێم خۆرەتاو دەبێت دەنگۆی هاتنی هەوری زۆر و باران دوورە لەراستیەوە.