شەڕێک لە بەغدا کوژراو و برینداری لێ کەوتەوە
لە جەرگەی بەغدای پایتەختی عێراق شەڕێک ڕوویدا
لە جەرگەی بەغدای پایتەختی عێراق شەڕێک ڕوویدا، چەکی سووک و مامناوەندی تێدا بەکار هات و کوژراو و برینداری لێکەوتەوە.
ئەمڕۆ دووشەممە، لە ناوچەی عەلاوی کە دەکەوێتە ناوەندی شاری بەغدا، لە نێوان دوو لایەنی نەناسراو شەڕ و تێکهەڵچوون دروست بوو، کە لە ئاکامدا هاوڵاتییەکی مەدەنی گیانی لەدەستدا و عەمیدێک، ئەفسەرێک و چوار کەسی دیکە بریندار بوون.
سەرچاوە ئەمنییەکانی بەغدا لەمبارەیەوە ڕایانگەیاندووە، هۆکاری شەڕەکە تاوەکو ئێستا نەزانراوە، بەڵام لە کاتی شەڕەکەدا چەکی سووک و مامناوەند بەکار هاتووە و بۆ ماوەیەکی زۆر تەقەیان لە یەکتر کردووە.
پۆلیسی بەغدا ڕایگەیاندووە، کە بەردەوامن لە بەدواداچوون و لێکۆڵینەوە بۆ زانیانی هۆکاری شەڕەکە و چەندین کەس لەو پەیوەندییەدا دەستگیر کراون، هەروەها بەگوێرەی زانیارییەکان یەکێک لە لایەنەکان ئۆتۆمبێلی سەربازیی وەزارەتی بەرگریی عێراقی پێ بووە.
