9 ڕۆژ پشووی فەرمی ڕاگەیەندرا

لەسەرجەم ناوەندەکانی خوێندن  9 ڕۆژ بەسەریەکەوە پشووی فەرمی راگەیەندرا و گوتەبێژی کۆمسیۆنی عێراق هۆکارەکەی ئاشکرا دەکات.

ئەمڕۆ یەکشەممە جومانە غەلای، وتەبێژی کۆمسیۆنی باڵای هەڵبژاردنەکانى عێراق رایگەیاند، بڕیاردراوە لە رۆژی 5 تاوەکو 13ی تشرینی دووەم واتا مانگی 11، لە سەرجەم ناوەندەکانی خوێندن پشووبێت.

دەربارەی گرتنەوەی پشووەکە لە هەرێمی کوردستان گووتی: "بە ناوەندەکانی هەرێمی کوردستانیشەوە، ئەمەش وەک بەکارهێنانی ئەو ناوەندانە بۆ بنکەی دەنگدان".

جومانە غەلای باسی لەوەشکرد، لە مانگی 11دا بەهۆی پرۆسەی هەڵبژاردن، لە سەرجەم ناوەندەکانی خوێندن بۆ ماوەی 9 رۆژ ده‌وامى فه‌رمى راده‌گیرێت.

 بڕیارە لە ڕۆژی 11ـی 11ــی 2025، هەڵبژاردنی پەرلەمانی عێراق لە سەرجەم پارێزگاکان بەڕێوەبچێت.