بوومەلەرزەیەک زیاتر لە 1500 کەسی کردە قوربانی
پارێزگایەکی ئەفغانستان بەهۆی بوومەلەرزەوە بە تەواوی وێران و ژمارەیەکی خەیاڵی قوربانی تۆمار کرد
بوومەلەرزەیەکی هێندە بەهێز ئەفغانستانی هەژاند، لە دوێنێوە تاوەکو ئێستا بە بەردەوامی قوربانیان دەگەیەندرێنە نەخۆشخانە.
شەوی ڕابردوو، بوومەلەرزەیەک بە گوڕی 6 پلەی رێختەر لە شاری جەلال ئاباد لە پارێزگای نانگارهاری ئەفغانستانی هەژاند.
بەگوێرەی زانیاری میدیاکانی ئەو وڵاتە، لە ئەنجامی ئەم بوومەلەرزەیە، بە لایەنی کەمەوە 500 کەس گیانیان لەدەست داوە و 1000 کەسی دیکەش بریندار بوون.
بەپێی راپۆرتی دەزگای جیۆلۆجیی ئەمریکا (USGS)، چەقی بوومەلەرزەکە لە دووریی 27 کیلۆمەتر لە باکووری رۆژهەڵاتی شاری جەلال ئاباد لە پارێزگای نانگارهار بووە و قووڵاییەکەی 8 کیلۆمەتر بووە، دواتریش بە 20 خولەک، پاشلەرزەیەک بە گوڕی 4.5 پلە لە هەمان پارێزگا روویداوە.
شەرەفات زەمان، وەزیری تەندروستی ئەفغانستان گوتی، ژمارەی قوربانیان و بریندارەکان زۆرە، بەڵام لەبەر ئەوەی گەیشتن بە ناوچەکە سەختە، تیمەکانمان هێشتا خەریکی دەرهێنانی قوربانی زیاترن و پێشبینی دەکرێت ژمارەی قوربانیان هێشتا بەرز تر بێتەوە.
