سبەی مووچەی مانگی 6 ڕەوانە دەکرێت
لەدوای چاوەروانییەکی زۆری هاووڵاتییان هەواڵە دڵخۆشکەرەکە هات
لەدوای ڕەوانەکردنی 120 ملیار دیناری داهاتی نانەوتی هەرێمی کوردستان ئەندامێکی پەرلەمان وادەی ناردنی مووچەی مانگی 6 ئاشکرا دەکات.
ئەمڕۆ شەممە شوان کەلار، ئەندامی پەرلەمانی کوردستان بە پایتەخت میدیای ڕاگەیاند، هیچ کیشەیەک نەماوەتەوە دەبێت سبەی وەزارەتی دارایی عێراق مووچەی مانگی 6ــی مووچەخۆرانی هەرێمی کوردستان ڕەوانە بکات.
ئەوەشی خستەڕوو، پێویست سبەی وەزارەتی دارایی عێراق سەرجەم ڕێکارییەکان تەواو بکات، کۆتایی بە بابەتەکە بهێنێت و پارە ڕەوانە بکات.
هاوکات، ڕۆژی پێنجشەممەی ڕابردوو وەزارەتی دارایی هەرێمی کوردستان بڕی 120 ملیار دیناری خستە سەرهەژماری وەزارەتی دارایی فیدراڵ.
جێگەی باسە، مووچەخۆرانی هەرێمی کوردستان تا ئێستا مووچەی مانگی 6ــیان پێنەدراوە و لە عێراق مووچەی مانگی 8 دەدرێت.
