سروە عەبدولواحید پەیامێکی تووند دەداتە بافڵ تاڵەبانی

سروە عەبدولواحید لە دوای دەستگیرکردنی شاسوار عەبدولواحدی برای پەیامێک دەداتە بافڵ تاڵەبانی و دەڵێت: "دەستوەردان دەکەیت لە دەسەڵاتی دادوەری".

ئەمڕۆ شەممە سروە عەبدولواحید، سەرۆكی فراكسیۆنی نەوەی نوێ لە ئێكس بڵاویکردەوە، بافڵ تاڵەبانی باس لە بوونی پارتی ئۆپۆزسیۆن دەکات لە سلێمانی وەک ئەوەی دەستکەوتێکی دیموکراسی بێت.

ئەوەشی خستەڕوو، ئەو راستییە پشتگوێ دەخات کە بەرپرسی گەورەترین پارتی ئۆپۆزسیۆنی هەرێم و سێیەم گەورەترین هێزی سیاسیی دەستگیرکراوە.

دەربارەی باسکردنی دیموکراسیەت لەلایەن سەرۆکی یەکێتی جەخت لەوەدەکاتەوە، تۆ باسی چ دیموکراسییەک دەکەیت کاتێک نوقم بوویت لە دەستێوەردان لە کاری دەسەڵاتی دادوەری و هەڵبەستنی مەلەفی هەڵبەستراو بۆ تەسفیەکردنی نەیارەکانت.

لە درێژەی پەیامەکەی سەرۆکی فراکسیۆنی نەوەی نوێ لە پەرلەمان هاتووە، گاڵتەجاڕییەکە تەنیا لەم لێدوانانەدا نییە، بەڵکو لە لایەنە عەرەبییەکانە کە چەپڵە لێدەدەن، وەک ئەوەی هاوبەش بن لە شەرعیەتدان بە ستەم لەبری ئەوەی لەگەڵ راستییەکان بوەستن.