کەسێک بەتۆمەتی کردنەوەی ئاگرەکەی پێنجوێن دەستگیرکرا

دوای ئەوەی دوێنێ ئاگرێکی گەورە لە چەند گوندێکی پێنجوێن کەوتەوە، تۆمەتباری سەرەکی کردنەوەی ئاگرەکە دەستگیرکرا.

ئەمڕۆ شەممە بەڕێوەبەرایەتی پۆلیسی دارستان و ژینگەی پارێزگای سلێمانی بڵاویکردەوە، دوای کەوتنەوەی ئاگره‌كه‌ی سنوری قه‌زای پێنجوێن کە چه‌ند گوندێكی وه‌ك (هه‌ڵاڵاوا، مه‌سۆ، كێلو، نزاره‌ و ده‌ره‌گورگان)ی گرتەوە، به‌هۆی سه‌ختی ناوچه‌كه‌ و مه‌ترسی هه‌بوونی مین كاری ته‌واوی تیمه‌كان سه‌خت بوو.

ئەوەشی خستەڕوو، به‌هۆی ئه‌و ئاگره‌وه‌ چه‌ند بریندارێك هه‌یه‌ كه‌ دوو هاووڵاتی دڵسۆز و خۆبه‌خشن له‌گه‌ڵ به‌ڕێوه‌به‌ری پۆلیسی دارستانی پێنجوێن و له‌ ئێستادا له‌ژێر چاره‌سه‌ردان.

لەبارەی دەستگیرکردنی تۆمەتباری کردنەوەی ئاگرەکە ئاشکرای دەکات، له‌ ئێستادا كه‌سێك به‌تۆمه‌تی كه‌وتنه‌وه‌ی ئاگره‌كه‌ ده‌ستگیركراوه‌ و لێكۆڵینه‌وه‌ و به‌دواداچوون به‌رده‌وامه‌.