ژنێک بۆ بەدەستهێنانی میرات 11 مێردی خۆی کوشت
ژنێکی ئێران بە کوشتنی مێردەکانی خۆی ئەو وڵاتەی تووشی شۆک کردووە
لە ئێران ژنێک بیری چووەتەوە بە دیاریکراوی چەند مێردی خۆی کوشتووە و لەم ڕێگەیەوە میراتی کۆکردووەتەوە.
ڕۆژنامەی شەرق ئەل ئەوسەت بڵاویکردووەتەوە، ژنێکی تەمەن 56 ساڵان بەناوی کەلسوم ئەکبەری، لە ئێران، لە ماوەی 22 ساڵی ڕابردوو، هەڵساوە بە کوشتنی 11 مێردی خۆی یەک لە دوای یەک، بە پێدانی ژەهر پێیان.
ئەم ئافرەتە زیاتر مێردی بەو پیاوانە دەکرد، کە چووبوونە تەمەنەوە، دواتر دەرمانی بەرزکردنەوەی پەستانی خوێن، زگچوون، سڕکردن و ماددەی حکولییەکانی پێدەدان، بۆ ئەوەی وا دەربکەوێت کە بە مردنی ئاسایی خۆیان گیانیان لەدەستداوە.
ئامانج لەم کارانەی، بۆ ئەوە بووە تا لەم ڕێگەیە پارەی میراتی مێردەکانی بۆ خۆی کۆبکاتەوە.
لە لێدوانێکیدا کەلسوم ئەکبەری گووتی: "بە دیاریکراوی نازانم چەند مێردی خۆم کوشتووە، لەوانەیە 13 یان 15 بێت"، بەڵام ناوبراو بە کوشتنی 11 کەس تۆمەتبار کراوە و پێشبینی دەکرێت بڕیاری لەسێدارەدانی بۆ دەربچیت، بەڵام تاوەکو ئێستا دادگەییەکەی کۆتایی نەهاتووە.
بۆ نموونە، لە ساڵی 2013 یەکێک لە مێردەکانی بە ناوی میراهماد عومرانی، تەمەن 69 ساڵ، تەنیا دوای مانگێک لە هاوسەرگیری لەگەڵ کەلسوم ئەکبەری گیانی لەدەستدا، مێردێکی دیکەشی لە ساڵی 2020 لە هەوڵێکی کوشتن بەدەستی کەلسوم ئەکبەری ڕزگاری بوو، دواتریش کەلسومی لە خانووەکەی خۆی دەرکرد، بەڵام سکاڵای لە دژی ژنەکەی لە لەلای پۆلیس تۆمار نەکرد، بۆیە دەستگیر نەکرابوو.
