باپیرەیەک لە هەوڵی ڕزگارکردنی نەوەکانی خنکا

دوای ئەوەی کوڕ و دوو نەوەی دەکەونە نێو رووبارێکی نزیک قەزای دوبز، باپیرێک خنکا.

ئەمڕۆ هەینی، دوای گەڕانێکی زۆری تیمەکانی فریاکەوتن و مەلەوانی دوبز، تەرمی باپیرەیەکی تەمەن 65 ساڵان لە نێو رووبارێکی نزیک قەزای دوبزی پارێزگای کەرکووک دۆزرایەوە.

ڕووداوەکە دوێنێ هەینی ڕوویداوە، ئەم باپیرەیە بە ڕەگەز عەرەبە و لەگەڵ خێزانەکەی لە گەڕەکی دۆمیزی کەرکووک بۆ سەیران و گەشت هاتوونەتە ناوچەکە، بەڵام دوای ئەوەی کوڕ و دوو نەوەی باپیرەکە دەکەونە نێو ڕووبارەوە، باپیرەکە بۆ ڕزگارکردنیان، خۆی فڕێ دەداتە نێو ئاوەکە و دەخنکێت، بەڵام باوک و دوو منداڵەکە لەلایەن خەڵکی ناوچەکەوە رزگارکران.