ئاگرەکەی پێنجوێن کۆنترۆڵ کرا

دوای سێ رۆژ لە سووتانی بەردەوامی دارستانەکانی سنووری پێنجوێن، دواجار توانرا کۆنترۆڵ بکرێت.

ئەمڕۆ شەممە، بەڕێوبەری پۆلیسی دارستان و ژینگەی قەزای پێنجوێن ڕایگەیاند، ئەو ئاگرەی کە لە چیاکانی سنووری قەزای پێنجوێنی لە پارێزگای سلێمانی گرتبووەوە، لەوانە وەک چیای کچێ، نزارا و کێلوو، کەمێک لەمەوبەر کۆنتۆل کرا.

هاوکات بەهۆی ئاگرەکەوە، دوو گەنجی خۆبەخش، بە ناوەکانی بێستوون عەبدوڵا و ئالان یوسف جەستەیان بە ڕێژەی 74% و 56% سووتاوە.

جێی ئاماژە پێدانە، لە 17ـی ئەم مانگە، بە هەمان شێوە بە هۆی ئاگرکەوتنەوە لە دارستانەکانی سنووری پارێزگای هەڵەبجە، ژینگەپارێزێک و پۆلیسێکی دارستان گیانیان لەدەستدا و 6 کەسی دیکەش بریندار بوون.