هاتووچۆی سلێمانی هۆکاری کەوتنەخوارەوەی فڕۆکەکەیان ئاشکرا دەکات

دوای ئەوەی فڕۆکەیەکی فریاگوزاری بەهۆی هاوکاریکردنی ئۆتۆمبێلێک لە چیایی ئەزمەڕ کەوتە خوارەوە، هاتووچۆی سلێمانی ڕاگەیەندراوێکی لەمبارەیەوە بڵاوکردەوە.

ئەمڕۆ هەینی بەڕێوەبەرایەتی هاتووچۆی سلێمانی بڵاویکردەوە، لە میانەی هەوڵی رزگارکردنی شۆفێرو سەرنشینانی ئۆتۆمبێلێک کەبەڕووداوێکی هەڵدێران کەوتبووە خوارەوە لە شاخی هەڕووتە.

هۆکاری کەوتنەخوارەوەی فڕۆکە فریاگوزارییەکە ئاشکرا دەکات، فڕۆکەیەکی فریاگوزاری لەو کاتەدا تووشی هەڵەیەکی تەکنیکی بووەو کەوتۆتە خوارەوە. 

باسی لەوەشکرد، سەرجەم تیمەکانی لایەنی پەیوەندیدارەکانی بەڕێوەبەرایەتی هاتووچۆی سلێمانی لە شوێنی ڕووداوەکەن و تەرمی ئەو هاوڵاتییەی تووشی رووداوەکە بوبوو گوستراوەتەوە بۆ پزیشکی دادوەری. 

جەختی لەوەشکردەوە، هەردوو فڕۆکەوانەکە گواستراونەتەوە بۆ نەخۆشخانەی شار کە یەکێک لە فڕۆکەوانەکان عمید (حسین فیض اللە) یە باری تەندروستییان جێگیرەو لە قۆناغەکانی وەرگرتنی چارەسەری تەندروستیدان.

لە کۆتاییدا هاتووچۆی سلێمانی سوپاس ئاڕاستەی، ئەو هاووڵاتی و لایەنانە دەکات کە هاوکاربوون لە گواستنەوەی تەرم و بریندارەکان.