تۆمارێکی دەنگی شاسوار عەبدولواحید لە نێو دادگەوە بڵاوکرایەوە
لە نێو دادگەوە ناوبراو سەرجەم تۆمەتەکان کە ئاڕاستەی کراون ڕەتدەکاتەوە
لەدوای دانیشتنی دادگەیی کردنی سەرۆکی جوڵانەوەی نەوەی نوێ لە تۆمارێکی دەنگی لە نێو دادگەوە ڕایدەگەیەنێت: "تەنیا یەک بەڵگەم پیشان بدە، چۆن لەسەر شتێک حوکم دەدرێم کە بوونی نییە".
ئەمڕۆ پێنجشەممە دانیشتنی دووەمی دادگەیی کردنی شاسوار عەبدولواحید، سەرۆکی جوڵانەوەی نەوەی نوێ بەرێوەچوو، یەکێک لە ئامادەبووانی دانیشتنەکە، تۆمارێکی دەنگی شاسوار عەبدولواحید تۆمارکردووە و تیاییدا بە دادوەر دەڵێت: "ئەگەر تۆمەتەکان راستن تەنها یەک بەڵگەم پیشان بدە کە هەڕەشەم لە کەسێک کردبێت، کوا ئەو شتە نەشیاوەی کە دەڵێن هەڕەشەی پێکراوە بۆ لە دۆسیەکەمدا نییە؟.
جەخت لەوەش دەکاتەوە: "چۆن لەسەر شتێک حوکم دەدرێم کە بوونی نییەو کەس نایبینێت و لەسەر نامەیەک خەڵک دەگیرێت".
بە دادوەریش ڕادەگەیەنێت: "بەڵام من 12 ساڵە تەقەم لێکراوە بۆچی تەقەکەرەکان نەگیراون".
