دوای زیاتر لە ساڵێک 4 تۆمەتبار دەستگیرکران
لە دوای ساڵێک 4 تۆمەتباری کوشتنی هاووڵاتییەک لەلایەن ئاسایشی سلێمانەوە دەستگیرکران
4 تۆمەتبار هەستاون بە کوشتنی هاووڵاتییەک لە شاری دهۆک، دوای هەڵاتنییان لە شاری سلێمانی دەستگیرکران.
ئەمڕۆ پێنجشەممە بەڕێوەبەرایەتی ئاسایشی پارێزگای سلێمانی بڵاویکردەوە، 4 تۆمەتباری هەڵاتوو لەیاسای لەیەکێک لە هۆتێلەکانی شاری سلێمانی دەستگیرکرد کە بەمەبەستی خۆحەشاردان ڕوویان لەسلێمانی کردبوو.
ماوەی ڕووداوی کوشتنەکە ئاشکرا دەکات، تۆمەتباران لەساڵی 2024 لە پارێزگای دهۆک لەسەر کێشەی کۆمەڵایەتی هاووڵاتییەکیان کوشتووە و هەڵاتوون.
ئاسایشی سلێمانی جەختی لەوەشکردەوە، لە 19ــی 8ــی 2025، دوای چاودێری و بەدواداچوون و کۆکردنەوەی زانیاری، بەبڕیاری دادوەری لێکۆڵینەوەی ئاسایش توانیان هەر4 تۆمەتبار دەستگیربکەن.
ڕوونیکردەوە، لەئێستادا تۆمەتباران بە ماددەی406 لەیاسای سزادانی عێراقی ڕاگیراون و بەپێی تایبەتمەندی کەیسەکەیان، ڕادەستی بەڕێوەبەرایەتی پۆلیسی پارێزگای دهۆک دەکرێنەوە.
