پایتەخت

کارەبای تەواوی گەڕەکەکانی سلێمانی بوو بە 24 کاتژمێریی

کارەبای تەواوی گەڕەکەکانی سلێمانی بوو بە 24 کاتژمێریی
کورتە

بەڕێوەبەری گشتی کارەبای سلێمانی بە ڕووناکردنەوەی شارەکە موژدە دەدات

لەچوارچێوەی پرۆژەی رووناکی بۆ دابینكردنی كارەبای بەردەوام بۆ هاووڵاتییان، ئەم ئێوارەیە کارەبای 24 کاتژمێریی تەواوی گەڕەکەکانی شاری سلێمانی ڕووناک کردەوە.

 

ئەمڕۆ پێنجشەممە ئەنوەر حەمە سەعید، بەڕێوەبەری گشتیی کارەبای سلێمانی بە پایتەخت میدیای ڕاگەیاند، لە ئێوارەی ئەمڕۆوە تەواوی ئەو گەڕەگانەی نێو سەنتەری سلێمانی كە 5 زۆنە و ژمارەیان 32 گەڕەكە لە گەڵ پرۆژەكانی نیشتەجێبوون، لە ئێوارەی ئەمڕۆ كارەباكەیان دەبیتە 24 كاتژمێری و بەوەش كۆی گەرەكەكانی سەنتەری شاری سلێمانی كارەبایان بوە بەردەوام.

 

موژدەیەک دەداتە سنووری قەزای قەرەداغیش، هەر ئێوارەی ئەمڕۆ كارەبای قەزای قەرەداغ و گوندەكانی دەروبەری و ناحیەی عەرەبەت و گوندەكانی دەوروبەری كارەبایان دەبێت بە 24 كاتژمێری.

 

‏‌ ئەنوەر حەمە سەعید جەختی لەوەکردەوە، بە گشتی لە پارێزگای سلێمانی 351 هەزار هاوبەشی کارەبا و 1.450.000 ملیۆن هاووڵاتی سلێمانی لە پرۆژەی رووناكی سوودەمەند بوون.

 

دەربارەی ژمارەی مۆلیدە کوژاوەکان گووتی: "لە سنووری پارێزگای سلێمانی 602 موەلیدە کوژاوەیەوە".

28 ئاب 2025 19:49 68
هەڵبژاردنەکانی پێشکەشکردن

بەیەکەوە جیاوازی دروست دەکەین

هەموو مافێکی پارێزراوە بۆ پایتەخت

© 2025