زەوی بەسەر فەرمانبەرانی ناسوودمەند دابەش دەکرێت

دوای ئەوەی ئەنجوومەنی زانكۆی سلێمانی ڕەزامەندی نیشاندا لەسەر دابەشکردنی زەوی بەسەر مامۆستایان، دواتر ئەم بڕیارە فەرمانبەرانیشی گرتەوە.

ئەمڕۆ چوار شەممە، 27-8-2025، ئەنجوومەنی زانكۆی سلێمانی لەپێناو نرخاندنی ڕۆڵی فەرمانبەران لە زانكۆ و ڕێزلێنانیان بۆ ماندووبوونیان، كە بەشێكی سەرەكی بەڕێوەبردن و دەستكەوتەكانی زانكۆن، ڕەزامەندی پیشاندا لەسەر تەرخانكردنی زەوی لە زەوییەكانی زانكۆ بۆ فەرمانبەرانی ناسوودمەند.

جێی باسە پێشووتر ئەنجوومەنی زانكۆ لە کۆبوونەوی 13-8-2025،  تێیدا لە چوارچێوەی بڕیاری حكومەتی هەرێمی كوردستان ئەنجوومەنی زانكۆ بڕیاریدا بە تەرخانكردنی زەویی پێویست بۆ سەرجەم مامۆستایانی ناسودمەندی زانكۆ لە زەوییەكانی زانكۆی سلێمانی و وەرگرتنی رەزامەندیی رەسمیی لایەنە پەیوەندیدارەكان.