تەندروستی ڕاپەڕین بۆ فرۆشگای قوتابخانەکان: سەرجەم کاڵا و خواردن و خواردنەوەکانتان چێک بکەنەوە
داوا لە خاوەنی فرۆشگای ناوەندەکانی خوێندن دەکرێت پێداچوونەوە بۆ سەرجەم کاڵا و خواردنەکانیان بکەن
سبەی دوای زیاتر لە مانگێک قوتابخانەکان دەکرێنەوە، داوا لە خاوەنی فرۆشگای ناوەندەکانی خوێندن دەکرێت پێداچوونەوە بۆ سەرجەم کاڵا و خواردنەکانیان بکەن.
ئەمڕۆ شەممە بەڕێوەبەرایەتی خۆپاراستنی تەندروستی ڕاپەڕین بڵاویکردەوە: "لەپێناو تەندروستی قوتابییان بەپێویستی دەزانن سەرجەم خاوەن فرۆشگای ناوەندەکانی خوێندن ئاگاداربکەنەوە، پێویستە سبەینێ لەدەسپێکی دەوام سەرجەم کاڵاوخواردن و خواردنەوەکانیان چێک بکەنەوە".
بەڕێوبەرایەتی خۆپاراستنی تەندروستی ڕاپەڕین ئاماژە بەوە دەدات، ئەوانەی لەڕووی بەروار بەسەرچوون یاخود تام و بۆن و شێوەیان گۆڕاوە، لە فرۆشگاکان نەیفرۆشن و جیای بکەنەوە و ڕادەستی ئێدارەی ناوەندەکانی خوێندن بکرێن.
لە درێژەی ئاگادارییەکەی بەرێوەبەرایەتییەکە هاتووە، بەپێچەوانەوە هەرکەسێک پابەند نەبێت، خۆیان بەرپرسن لەکاتی چوونی لێژنەکانیان.
