کاتی دابەشکردنی مووچەی مانگی شووبات ڕاگەیەندراوە

کەمێک پێش ئێستا وەزارەتی دارایی هەرێمی گەیشتنی گوژمەی یەکەمی مووچەی مانگی شوباتی ڕاگەیاند و ئاماژە بەوە دەکات، رۆژی یەکشەممە تەواوی پارەی مووچەی مانگی شوبات خەرج دەکرێت.

نیوەڕۆی ئەمڕۆ وەکو وەکو گوژمەی یەکەم، وەزارەتی دارایی عێراق بڕی  274 ملیار و 962 ملیۆن دینار خستە سەر هەژماری دارایی وەزارەتی دارایی هەرێم.

بەپێی ڕاگەیاندراوەکەی وەزارەتی دارایی هەرێم، ئەو پارەیەی ئەمڕۆ نێردراوە تەمویلی مووچەی مانگی شوباتی خانەنشینان و سودمەندانی چاودێری کۆمەڵایەتی و فەرمانبەرانی گرێبەست و مینحەی زیندانیانی سیاسییە.

دەقی ڕاگەیاندراوی وەزرارەتی دارایی هەرێمی کوردستان:

ڕاگەیەنراوێک لەوەزارەتی دارایی و ئابورییەوە

نیوەڕۆی ڕۆژی پێنج شەممە ڕێکەوتی ( ٥ ی ئازاری ٢٠٢٦ ) بڕی (٢٧٤ ) ملیارو ( ٩٦٢ ) ملیۆن دینار بە چوار گوژمە وەک بەشێک لە تەمویلی مووچەی مانگی شوباتی مووچەخۆرانی هەرێم کە بریتیە لە تەمویلی مووچەی مانگی شوباتی خانەنشینان و سودمەندانی چاودێری کۆمەڵایەتی و فەرمانبەرانی گرێبەست و مینحەی زیندانیانی سیاسی ، خرایە سەر هەژماری بانکی وەزارەتی دارایی و ئابوری هەرێمی کوردستان لە لقی هەولێری بانکی ناوەندی عێراق.

    
 چاوەڕێ دەکرێت لەگەڵ دەستپێکردنەوەی دەوامی فەرمی لە ڕۆژی یەک شەممەی داهاتوو تەواوی تەمویلی مووچە بخرێتە سەر هەژماری بانکیمان و لەگەڵ گەیشتنی تەواوی پارەکەو وەرگرتنی لەلقی هەولێری بانکی ناوەندی عێراق ڕاستەوخۆ خشتەی مووچەی مانگی شوبات ڕادەگەیەنرێت و دەست بەدابەشکردنی مووچە دەکرێت.

ڕاگەیاندنی وەزارەتی دارایی و ئابووری
٥ ی ئازاری ٢٠٢٦