هێلیکۆپتەرێک لە ئێران کەوتەخوارەوە و 4 کەس گیانیان لەدەستدا
هێلیکۆپتەرێکی سەر بە سوپای ئێران کەوتە خوارەوە و لە ئەنجامدا دوو فرۆکەوانەکە و دوو هاووڵاتیی گیانیان لەدەستدا.
هێلیکۆپتەرێک لە پارێزگای ئەسفەهانی ئێران بەهۆی کێشەی تەکنیکییە و لەکاتی مەشقکردندا کەوتە خوارەوە.
پێگەی مێهر نیوزی ئێرانی بڵاویکردەوە، بەرەبەیانی ئەمڕۆ سێشەممە، هێلیکۆپتەرێک لە شارۆچکەی "دۆرچە" سەر بە قەزای خومەینی شار لە پارێزگای ئەسفەهانی ئێران کەوتەخوارەوە و کەوتە نێو مەیدانی فرۆشتنی میوە و سەوزەی شارۆچکەکە.
هێلیکۆپتەرکە سەر بە سوپای وڵاتەکەیە و لە کاتی ڕووداوەکە بۆ مەشقپێکردنی سەربازەکان بەکار دەهێندرا؛ لەئەنجامی ڕووداوەکە هەردوو فرۆکەوانەکە و یاریدەدەرەکەی لەگەڵ دوو هاووڵاتی، کە لە مەیدانی میوە و سەوزەکە کاریان دەکرد گیانیان لەدەستدا.
تا ئێستا هۆکاری سەرەکی ڕووداوەکە بە فەرمی ئاشکرا نەکراوە، بەڵام بەپێی زانیارییە سەرەتاییەکانی میدیاکانی ئێران، هێلیکۆپتەرەکە لە کاتی فڕیندا، بەهۆی گرفتێکی تەکنیکی کەوتووەتەوە خوارەوە.
