هاتووچۆی سلێمانی ڕوونکردنەوە لەسەر بڕینەوەی دەرختێک دەدات

بڕینەوەی دەرختێک بەهۆی کامێرایەکی چاودێری هەرای نایەوە، هاتووچۆی سلێمانی دەنگۆکان ڕەتدەکاتەوە و دەڵێت: هەواڵەکە ڕاست نییە.

ئەمڕۆ چوارشەممە گرتە ڤیدیۆیەک لەسەر شەقامی مەلیک مەحموودی شاری سلێمانی میدیاکانی تەنی، کە تیاییدا دەردەکەوێت 3 کەس سەرقاڵی بڕینەوەی دارێکی تەمەن 10 ساڵانن کە بەهۆی کامێرایەکی چاودێری هاتووچۆی سلێمانی دارەکە بڕاوەتەوە.

 بەڕێوەبەرایەتی هاتووچۆی سلێمانی ڕوونیکردەوە، ئەم دەنگۆ وھەواڵە ڕەتدەکەنەوە و لەلایەن تیمەکانیانەوە ھیچ درختێکیان نەبڕیوەتەوە.

هاتووچۆی سلێمانی جەخت لەوە دەکاتەوە، ئەوەی کراوە لە لایەن بەرێوەبەرایەتی باخچەکانی سلێمانی کراوە بەپێی تایبەتمەندی و پسپۆری ئەوان .