باران بارین بەردوام دەبێت

چەند ڕۆژێکە شەپۆلێکی بارانبارینی ناوچە جیا جیاکانی هەرێمی کوردستانی گرتووەتەوە، کەشناسی هەرێمی کوردستان پێشبینی دەکات، بارانبارین بەردەوام بێت.

کەمێک پێش ئێستا بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردەوە، ئەمشەو ئاسمانی هەرێم بە گشتی هەوری باراناوی دەبێت و نمە باران و بارانی مامناوەند لە زۆربەی ناوچەکان دەبارێت، لە هەندێک کات و ناوچە بارانی بە لێزمە دەبارێت.

کەشناسی هەرێمی کوردستان پێشبینی بەفربارین دەکات و باسی لەوەکرد، لە ناوچە سنووریەکان بەفر بارینێکی کەم دەبێت و پلەکانی گەرما بۆ ئەمشەو بە نزیکی 4 تا 7 پلە نزم دەبێتەوە.

بڕی باران بارینی ئەمڕۆی ناوچە جیاوازەکانی هەرێمی کوردستان بەم شێوەیەی خوارەوە بووە:

هەولێر: 8.3 ملم

دهۆک: 12.7 ملم

سلێمانی: 4.2 ملم

زاخۆ: 18.3ملم

پیرمام: 14.7 ملم

چەمچەماڵ: 3.6 ملم

شەمامک: 3.5 ملم