'شێروان جەبار' بەهۆی خواردنی قارچکەوە گیانی لەدەستداوە؟

'شێروان جەبار' بەهۆی خواردنی قارچکەوە گیانی لەدەستداوە؟ 

دەیان دەنگۆی جۆراو جۆر لەبارەی هۆکاری گیان لەدەستدانی گەنجێکی سلێمانی هەیە، پایتەخت میدیا ورد و درشتی ڕووداوی گیان لەدەستدانەکە ئاشکرا دەکات.

سەرەتا هەواڵکە وا بڵاوکرایەوە، کە گوایە شەوی ڕابردوو 5 گەنج لە شارباژێر، دوای خواردنی قاچکی ژەهراوی 4 کەسیان گیانیان لەدەستداوە.

کەمێک پێش ئێستا ئاری لەتیف، گوتەبێژی پۆلیسی پارێزگای سلێمانی بۆ پشتڕاستکردەنەوەی هەواڵەکە پایتەخت میدیای رایگەیاند، شەوی رابردوو لە گوندی باڵخی سەر بە قەزای شارباژێڕ 2 هاوڕێی گەنج لە باخێک ماونەتەوە، دوای ئەوە ئەمڕۆ سەردانی نەخۆشخانەیان کردووە.

ئاری لەتیف لەسەر ژمارەی گیان لەدەستدانی گەنجەکان گووتی: "تەنیا گەنجێک گیانی لەدەستداوە، چاوەڕێی راپۆرتی پەیمانگای پزیشکی دادی سلێمانی دەکەین بۆ هۆکارەکە".

ئەو گەنجەی گیانی لەدەستداوە، ناوی 'شێروان جەبار'ە تەمەنی 26 ساڵە، هاوسەرگیری کردووە و خاوەنی منداڵێکە.

یەکێک لە کەسوکاری 'شێروان جەبار' هۆکاری گیان لەدەستدانی کوڕەکەیان بۆ پایتەخت میدیا ئاشکرا دەکرێت، شەوی ڕابردوو دوای خواردنی قارچک لە خەودا جەڵتە لێی داوە و گیانی لەدەستداوە.

بەگوێرەی زانیارییەکانی پایتەخت، سەبارەت بە گیان لەدەستدانی 'شێروان جەبار' 3 هۆکاری سەرەکی خراونەتە ڕوو ئەوانیش( غازی سۆپا، قارچکی ژەهراوی، جەڵتە).

ئەمە لەکاتێکدایە، تاوەکو ئێستا ڕاپۆرتی پزیشکی داد ئاشکرا نەکراوە و هیچ لایەنێکی پەیوەندیدار هۆکارەکەی ئاشکرا ناکات.