کوردێک لە سوپای رووسیا کوژرا

گەنجێکی دەڤەری برادۆست لە نێو ڕیزەکانی سوپای رووسیا کوژرا، بنەماڵەکەی دەڵێن: "هەڵیانخەڵەتاندووە و بردوویانە بۆ رووسیا".

ئەمڕۆ پێنجشەممە بنەماڵەی عەبدولوەهاب خدر خراوەی بڵاویکردەوە، ئەمرۆ هەواڵی نەمانی کورەکەیان لەلایەن حوکمەتی هەرێمی کوردستان و نوێنەری ئیدارەی سەربەخۆی سۆران پێگەیشتووە.

گەنجێکی کورد بەناوی 'مەتین عەبدولوەهاب خدر برادۆستی'، تەمەنی 23 ساڵ بووە و خەڵکی دەڤەری برادۆستە، لە شەڕی نێوان رووسیا و ئوکرانیا کوژرا.

بنەماڵەی عەبدولوەهاب خدر هۆکاری چوونی کوڕەکەیان بۆ رووسیا ئاشکرا دەکەن، لەماوەی ڕابردوودا کورەکەیان دوای هەڵخەڵەتاندنی لەلایەن گروپێکەوە و بردرابوو بەرەو وڵاتی رووسیا، بۆ بەشداری  شەڕی نێوان ڕووسیا و ئۆکرانیا.

 ئەم بنەماڵەیە ئاگاداری هاووڵاتییان دەکەنەوە و دەڵێن: "ئێمە چاوەڕێی گەڕانەوەی تەرمی کوڕەکەمان دەکەین و پرسە دانانێین".