کەسێک لەبەردەم ماڵەکەی خۆی کوژرا

کەمێک پێش ئێستا، کەسێک لەبەردەم ماڵەکەی خۆی دا لە قەزای چەمچەماڵ لەلایەن چەکدارێکی نەناسراو کوژرا و پایتەخت زانیاری نوێ ئاشکرا دەکات.

سەرچاوەیەکی ئەمنی لە قەزای چەمچەماڵ بە پایتەخت میدیای ڕاگەیاند، کوژراوەکە ناوی 'فەخردەین محەممەد' تەمەنی 40 ساڵانە و بەچەک تەقەی لێکراوە و گوللەیەک بەر سەری کەوتەوە، بەم هۆیەوە دەستبەجێ گیانی لەدەستداوە.

بەپێی زانیارییەکانی پایتەخت میدیا، کوژرانی هاووڵاتییەکە بەهۆی کێشەیەکی کۆمەڵایەتی بووە، تۆمەتبارەکە هەڵهاتووە و دەستگیرنەکراوە و پۆلیس پەراوی لێکۆڵینەوەی لە رووداوەکە دەستپێکردووە.