نەوتی 31 هەزاری لە سەنتەری سلێمانی دابەش دەکرێت

دوای هەولێر و دهۆک، نەوتی حکومەتی فیدراڵ بەسەر هاووڵاتییانی نێو سەنتەری شاری سلێمانی بە نرخێکی هەرزان دابەش دەکرێت.

ئەمڕۆ شەممە سەلام عومەر، گوتەبێژی بەڕێوەبەرایەتی نەوت و کانزاکانی سلێمانی بە پایتەخت میدیای ڕاگەیاند، بۆ یەکەم جار بڕیارە سبەی یەکشەممە لە سەنتەری شاری سلێمانی دەست بە دابەشکردنی نەوتی حکومەتی فیدراڵ دابەش بکرێت، لە سەرەتا دا لە بنکەی یەکەم و دووەم نەوتەکە دەدرێتە هاووڵاتیان.

سەلام عومەر باس لەوە دەکات، دابەشکردنەکە گەڕەکەکاندا لە ڕێگەی کارتی ئەلیکترۆنیی سووتەمەنی دەبێت، بۆ هەر خێزانێک بڕی 100 لیتر نەوت دیاری کراوە و بە نرخی 31 هەزار دینار دەبێت.

گوتەبێژی بەڕێوەبەرایەتی نەوت و کانزاکانی سلێمانی  جەختی لەوەکردەوە، بڕیار وایە بەغدا زیاتر لە بڕی 20 ملیۆن لیتر بۆ پارێزگای سلێمانی و هەڵەبجە ڕەوانە بکات.

پێشووتریش سالار محه‌ممه‌د، لێپرسراوی پشکنین و بەدواداچوون لە بەڕێوەبەرایەتیی نەوت و کانزاکانی هەولێر به‌ پایته‌خت میدیای ڕاگەیاندبوو، ڕۆژی شەممە 17ـی 1ـی 2026، لە سەنتەری شەری هەولێر نەوتی سپی بەسەر هاووڵاتییان دابەشکرا.

ماوەی 3 مانگە وەزارەتی سامانە سروشتیەکانی هەرێمی کوردستان، دابەشکردنی نەوتی سپی بەسەر هاووڵاتییان بۆ زستانی ساڵی (2025 -2026) دەستپێکردووە بۆ هەر خێزانێک بە بڕی 200 لیتر بە نرخی 103 هەزار.