بەخشی ئەو کەناڵە عەرەبییانەی بوونەتە هۆی پشێوی ڕادەگیرێن
وەزارەتی ڕۆشنبیری بڕیارێکی سەبارەت بەو کەناڵانەی بێڕێری بە نەتەوەی کورد دەکەن دەرکردووە
دوای شەڕ و پێکدادانەکان لە ڕۆژئاڤای کوردستان، وەزارەتی ڕۆشنبیری بڕیارێکی سەبارەت بەو کەناڵانەی بێڕێری بە نەتەوەی کورد دەکەن دەرکردووە.
لە نووسراوێكی بەڕێوبەرایەتیی گشتیی ڕاگەیاندن و چاپ و بڵاوکردنەوەی سەربە وەزارەتی ڕۆشنبیری و لاوانی هەرێمی کوردستان کە ئاراستەی هەر یەک لە کۆمپانیاکانی پەخش کراوە، پەخشی کەناڵی بیانی و عەرەبییەکان لە ڕایەڵەکانتان ڕابگرن، بە تایبەتی ئەو کەناڵانەی کە لە بارەی ئێستای کوردستاندا بوونەتە هۆکاری پشێوی و تێکدانی ئاشتەوايیی کۆمەڵایەتی و بێڕێزیکردن بەرانبەر بە نەتەوەی کورد.
بەگوێرەی نووسراوی بەڕێوبەرایەتیی گشتیی ڕاگەیاندن و چاپ و بڵاوکردنەوە، پەخشکردنی ئەو کەناڵانە پێچەوانەی پێچەوانەی ماددەی (2)ــه کە تایبەتە بە مۆڵەتدان و دابینکردنی فریکوێنسی، بۆیە پێویستە تەنیا بۆ پەخشی کەناڵە ناوخۆییەکان بێت.
ئەمە لەکاتێکدایە، لە ڕۆژی 6ـی 1ـی 2026، شەڕ و پێکدادان لە هەردوو گەڕەگی کوردنشینی حەلەب لە نێوان هێزە کوردییەکان و سوپای عەرەبی سووریا دەستی پێکردووە، دواتریش پێکدادانەکان قوڵبوویەوە بۆ ڕۆژئاڤای کوردستان لەم نێوەندەدا ژمارەیەک کەناڵی عەرەبی و بیانی ڕۆڵێکی خراپیان بەرامبەر نەتەوەی کورد بینیووە.
