3 ملیۆن و 100هەزار دۆلار لەگەڵ 90 دەفتەری یانەی نەورۆز لای یەکێتییە

لاهور شێخ جەنگی لە زیندانەوە نوێترین زانیارییەکان، سەبارەت بە پارەی یانەی نەورۆز و ڕێککەوتنی لەگەڵ یەکێتیی ئاشکرا دەکات.

لاهور شێخ جەنگی لە زیندانەوە ڕایگەیاند، ئامادە نییە لە زیندان دانوستاندن بکات و ئامادە نییە یەکێتیی ڕێک بکەوێت، لەسەر داوای خۆی دەیەوێت کەیسەکەی بگوازرێتەوە بۆ هەولێر و هەموو تۆمەتەکان ڕەتدەکاتەوە.

بەگووتەی لاهور شێخ جەنگی، لە شەوی هێرشەکەی لالەزار 3 ملیۆن و 100هەزار دۆلار لەگەڵ 90 دەفتەری یانەی نەورۆز بردراوە و لای یەکێتییە.

سەبارەت بە دۆخی تەندروستی لە نێو زینداندا ئاماژەی بەوەکردووە، دۆخی تەندروستی باشە و تا ئیستا 30 کتێبی خوێندووەتەوە.