تۆم باراك: ئامانجی بنەڕەتی هەسەدە کۆتایی هاتووە و ئێستا دیمەشق ئامادەیە بۆ بەرپرسیارێتییە ئەمنییەکان
نێردەی تایبەتی ئەمریكا لە سووریا ئاماژە بە کۆتایی هێنانی ئەرکی هەسەدە دەکات
نێردەی تایبەتی ئەمریكا لە سووریا ئاماژە بە کۆتایی هێنانی ئەرکی هەسەدە دەکات و دەڵێت: "شەڕی داعش تەواو بووە و ئێستا دیمەشق ئامادەیە بۆ بەرپرسیارێتییە ئەمنییەکان".
ئەمڕۆ سێشەممە تۆم باراك، نێردەی تایبەتی ئەمریكا لە سووریا لە تۆڕی کۆمەڵایەتی ئێکس بڵاویکردەوە، دۆخی سووریا گۆڕانکارییەکی گەورەی بەسەردا هاتووە و لە ئێستا سووریا حکومەتێکی ناوەندی دانپێدانراوی هەیە کە پەیوەندی بە هاوپەیمانی نێودەوڵەتییەوە کردووە بۆ شکستپێهێنانی داعش.
تۆم باراك باس لەوەدەکات، بارودۆخەکە ئاماژەیە بۆ گۆڕانکاری بەرەو ڕۆژئاواو هاوکاری لەگەڵ ئەمریکا و پاساوەكانی هاوبەشی نێوان ئەمریکا و هەسەدە دەگۆڕێت، ئامانجی بنەڕەتی هەسەدە وەک هێزی سەرەکی شەڕی داعش لەسەر زەوی کۆتایی هاتووە، چونکە ئێستا دیمەشق ئامادەیە و توانای ئەوەی هەیە بەرپرسیارێتییە ئەمنییەکان لە ئەستۆ بگرێت.
