دەزگای ئاسایشی هەرێم: سەرۆکی باندێکی مافیای مەترسیداری جیهانیمان دەستگیر کرد

لە ئۆپراسیۆنێکی هاوبەشی دەزگای ئاسایشی هەرێم و دەزگای هەواڵگری نیشتمانی عێراق، سەركردەی باندێکی تاوانكاری دەستگیركرا.

ئەمڕۆ سێشەممە دەزگای ئاسایشی هەرێم لە ڕاگەیەندراوێکدا باسی لەوەکرد، بەپشت بەستن بەزانیاریی ورد و بەدواداچوون لەناوەوە و دەرەوەی وڵات سەركردەی باندێکی تاوانكاری دەستگیركرا، کە فەرمانی دەستگیركردنی ناوخۆیی و نێودەوڵەتی هەبووە و سەر بەتۆڕی (فۆكستڕۆت)ی تاوانکارییە.

بەگوێرەی ڕاگەیەندراوی دەزگای ئاسایشی هەرێم، ئەم باندە مەترسیدارە نێودەوڵەتییە چەندین تاوانیان لەچەندین وڵاتدا ئەنجامداوە، گروپە تاوانكارییەكە پلانی هەبووە خاكی عێراق بۆ كردە تاوانكارییەكانیان بەكاربهێنن.