پشووی فەرمی راگەیەندرا

پەروەردەی شارباژێڕ وەکو یەکەم شوێن، بەهۆی نالەباری کەش و هەواوە پشووی فەرمی لە سەرجەم ناوەندەکانی خوێندن ڕاگەیاند.

کەمێک پێش ئێستا، له‌تیف حسێن، به‌ڕێوه‌به‌ری په‌روه‌رده‌ی شارباژێڕ بڵاویکردەوە، به‌پێی ئه‌و راپۆرته‌ که‌شناسییه‌ی به‌ ده‌ستمان گه‌یشتووه‌ و دوای راوێژ له‌گه‌ڵ قائیمقامی قه‌زای شارباژێڕ، له‌ پێناوی پازاستنی گیانی مامۆستایان و فه‌رمانبه‌ران و خوێندکاران، بڕیارماندا سبه‌ینێ چوارشه‌ممه‌ له‌سه‌رجه‌م ناوه‌نده‌کانی خوێندنی سنووری به‌ڕێوه‌به‌رێتیمان پشووی فەرمی بێت.

ئەمە لەکاتێکدایە، تاوەکو ئێستا هیچ ناوچەیەکی دیکەی هەرێمی کوردستان، پشووی فەرمی بەهۆی نالەباری کەشوهەواوە ڕانەگەیاندووە.