ڕێكخراوی ڕۆشنبیرانی كورد – به‌ریتانیا لەسەر پایتەخت میدیا هاتە دەنگ

ڕێکخراوی ڕۆشنبیرانی کورد لە بەریتانیا ئیدانەی ڕێگریکردن لە کاری ڕۆژنامەوانی تیمی پایتەخت میدیا لەلایەن ئاسایشی سلێمانییەوە دەکات.

ئەمڕۆ سێ شەممە ڕێكخراوی ڕۆشنبیرانی كورد – به‌ریتانیا ڕایگەیاند، لە بەردەم دادگە، ئاسایشی سلێمانی ڕێگری لە تیمی ڕۆژنامەوانی پایتەخت میدیا کرد و دەستیان بەسەر کەلوپەلە ڕۆژنامەوانییەکان دا گرتن.

ڕێکخراوەکە ئیدانەی ئەم پێشێلکاریانە دەکات و بە مەترسی لەسەر کاری رۆژنامەنووسی لە هەرێمی کوردستان و نەبوونی ئازادی رادەربرین نیشانی دەدات.

دواجار ڕێکخراوی رۆشنبیرانی کورد لە بەریتانیا جەخت دەکەنەوە، ئەوان بەردەوامن لە پاڵپشتیکردن لە رۆژنامەنووسان و تەواوی پێشێلکاریەکان تۆمار دەکەن و دەیخەنەڕوو.