سبەی ناتوانن پارەکانتان لە بانک وەربگرنەوە

بانکی گەرمیان هاووڵاتییانی سنووری ئیدارەی گەرمیان لە داخستنی بانکەکەیان ئاگادار دەکاتەوە، کە سەردانی بانک نەکرێت و هیچ جۆرە مامەڵەیەکی وەرگرتن و پێدانی پارە ئەنجام نادرێت.

ئەمڕۆ شەممە بانکی گەرمیان ئاگاداری گشت دام و دەزگاکانی سنووری قەزای کەلار و ئیدارەی گەرمیان و هاوڵاتیان، فەرمانبەران، کۆمپانیاکان و بەڵێندەران دەکاتەوە، بەهۆی کارەکانی کۆتایی ساڵ و پڕۆسەی (بەستنی حساباتی ساڵانە و جەردی ساڵانە)، سبەی یەک شەممە سەردانی بانک نەکەن.

بەگوێرەی ئاگادارییەکەی بانکی گەرمیان، سبەی هیچ جۆرە مامەڵەیەکی وەرگرتن و پێدانی پارە ئەنجام نادرێت و تەنیا کارە ناوخۆییەکانی بانک و ڕێکخستنەوەی سجلەکان ئەنجام دەدرێت.