هاتووچۆی سلێمانی هۆشداری بە شۆفێران دەدات

بەڕێوەبەرایەتی هاتووچۆی پارێزگای سلێمانی هۆشداری دەداتە شۆفێران، بەهۆی نزمبوونەوەی پلەکانی گەرما و تەمەوە.

بەڕێوەبەرایەتییەکە ئەمڕۆ هەینی ئاگادارییەکەی بڵاوکردووەتەوە کە تێیدا هاتووە "بەهۆی نزمبوونەوەی پلەکانی گەرماو دروستبوونی تەمێکی زۆر لە سلێمانی و دەوروبەری و کەمبوونەوەی ئاستی بینین، داواتان لێدەکەین پابەندی یاساو ڕێنماییەکانی هاتووچۆ بن"، هەروەها خەجت دەکاتەوە و داوا لەشۆفێران دەکات، بۆ کارێکی زۆر پێویست نەبێت سەردانی ڕێگەکانی دەرەوەی شار نەکەن.

ئەم هۆشدارییەی هاتووچۆی سلێمانی بۆ شۆفێران لە کاتێکدایە، کەشوهەوای سلێمانی و ئاسمانی هەوری تەواو دەبێت و بارانی مامناوەند لە سنووری پارێزگای سلێمانی و هەڵەبجە و ئیدارەی ڕاپەڕین دەبێت.