6 کەس بەهۆی لافاوەوە بوونە قوربانی

شەپۆلێکی چڕی بارانبارین ناوچەکانی هەرێمی کوردستانی گرتووەتەوە، لە چەند ناوچەیەک لافاو دروستبووە و زیانی گیانی و ماددی لێکەوتووەتەوە.

ئەمڕۆ سێشەممە قائیمقامیەتی قەزای چەمچەماڵ بڵاویکردەوە، بەهۆی لافاوی چەند کاتژمێری ڕابردووی قەزا چەمچەماڵەوە 2 هاووڵاتیی گیانیان لەدەستدا و 4 هاووڵاتیی دیکە برینداربوون.

قائیمقامیەتی قەزای چەمچەماڵ، پرسەو سەرەخۆشی خۆیان ئاڕاستەی بنەماڵەی کۆچکردووان دەکەن و هیوای زوو چاکبوونەوە بۆ بریندارەکان دەخوازن.

لە کۆتایی ڕاگەیەندراوەکەی قائیمقامیەتی قەزای چەمچەماڵ هاتووە، سەرجەم فەرمانگە پەیوەندیدارەکان لە ئەرکدان و ئەوەی لەتوانای ئیدارەی چەمچەماڵ بێت درێغی ناکەن.