هێرش کرایە سەر هەڵەبجە

کەمێک پێش ئێستا لە هەڵەبجە، چەند چەکدارێکی داعش رووبەڕووی هێزەکانی ئاسایش بوونە و بریندار هەیە.

لە ئۆپەڕاسیۆنێکی هێزەکانی ئاسایش بۆ دەستگیرکردنی ژمارەی چەکداری داعش لە سنووری هەڵەبجە، رووبەڕووبوونەوە ڕوویداوە و بەپێی زانیارییەکان ئەندامێکی هێزەکانی ئاسایشی بریندارە.

بەپێی زانیارییەکان، هەڵمەتەکە بۆ دەستگیکردنی سێ چەکداری داعش بووە لە هەڵەبجە، کە شانەیەکی نوستوویان هەبووە و بەپێی زانیارییە سەرەتاییەکان، یەک لەو چەکدارە دەستگیرکراوانەی داعش، ئەمیرێکی دیاری ئەو گروپە تیرۆرستییەیە.

لەم هەڵمەتەدا، ئۆپەڕاسیۆنەکە بە سەرکەوتووی کۆتایی هاتووە و تەواوی چەکدار و ئەندامانی داعش دەستگیر کراون.