فڕۆکەیەک لە تورکیا تێکشکا

فڕۆکەیەک لە تورکیا خۆی کرد بە نێو  کێڵگەیەکی گەنمەشامی و شۆفێرەکەشی گیانی لەدەستدا.

میدیا تورکییەکان بڵاویکردەوە، لە قەزای تۆربالی ئیزمیر، لە تورکیا، کچە فڕۆکەوانێکی قوتابی لە فڕۆکەخانەی 'سەلجوق ئەفەس' بۆ مەشق و ڕاهێنان دەفڕی، بەڵام لەناکاو خۆی کرد بە نێو کێڵگەیەکی گەنمەشامیدا لە ناوچەی 'کرباش'ـی قەزای 'تۆربالی' تێکشکا.

بەهۆی ئەم ڕووداوەوە، فڕۆکەوانەکە گیانی لەدەستداوە، لە  ئێستاشدا لێکۆڵینەوە لەم ڕووداوە دەستی پێکردووە و هەوڵ دەدرێت هۆکاری کەوتنەخوارەکەی فڕۆکەکە ئاشکرا بکرێت.