ئۆکرانیا لەسەر ڕاپۆرتی دانپێدانانی گرووپەکەی سلێمانی هاتە دەنگ

باڵیۆزخانەی ئۆکراینا لهبارهی تۆمهتباركردنی پهیوهست به ڕووداوهكهی لالهزار ڕوونكردنهوه دهدات
باڵیۆزخانەی ئۆکراینا لە بارەی ڕاپۆرت و دانپێدانانی ئەو کەسانەی لە سلێمانی، کە گوایە لە ئۆکرایناوە ڕاهێنانیان پێکراوە و چەکیان هێناوە بۆ تیرۆرکردنی بافڵ تاڵەبانی، هاتە دەنگ و ئەم دەنگۆیانەی ڕەت کردەوە.
ئەمڕۆ شەممە، باڵیۆزخانەی ئۆکراینا لە عێراق ڕایگەیاند، هەرگیز هیچ چالاکییەکی پەیوەست بە ڕاهێنانی چەکداران و میلیشا یان دروستکردنی فڕۆکەی بێفڕۆکەوان و درۆن بۆ بەکارهێنانی کاری نایاسایی لە دەرەوەی خاکەکەی ئەنجام نەداوە و ئەنجام نادات.
باڵیۆزخانەی ئۆکراینا جەخت دەکاتەوە، کە ئەو زانیارییە هەڵە و ناڕاستانە وەک هەوڵێک بۆ ناوزڕاندنی ئۆکراینا و سەرۆکایەتییەکەی دەبینن.
دواجار باڵیۆزخانەی ئۆکراینا لە عێراق داوا لە نوێنەرانی میدیاکان دەکات کە تەنیا پشت بە سەرچاوەی باوەڕپێکراو و پشتڕاسکراو ببەستن و دووربن لە بڵاوکردەوە دەنگۆی ناڕاست.
ئەمە لە کاتێکدایە، چەند ڕۆژێک لەمەوبەر، ڤیدیۆ و ڕاپۆرتی دانپێدانانی ژمارەیەک تۆمەتبار بڵاوکرایەوە، تێیدا دەیانگووت کە لە وڵاتی ئۆکراینا مەشق و ڕاهێنانیان پێکراوە و چەکیان بۆ هاتووە، بەمەبەستی تیرۆرکردنی بافڵ تاڵەبانی، سەرۆکی یەکێتی، گوایە هەر بەهۆی دانپێدانانی و چالاکییەکانی ئەم تاوانبارە بووە، کە شەڕ و پێکدادانەکانی لالەزار ڕوویانداوە.