ئەمریکا دەربارەی کشانەوەی هێزەکانییان لە عێراق هاتە دەنگ
دوای دەنگۆی کشانەوەی هێزەکانی ئەمریکا لە عێراق ڕوونکردنەوە دەدرێت
دەربارەی دەنگۆی کشانەوەی هێزەکانی ئەمریکا لە عێراق، گوتەبێژی باڵیۆزخانەی ئەمریکا لە بەغدا ڕوونکردنەوە دەدات.
ئەمڕۆ هەینی، گوتەبێژی باڵیۆزخانەی ئەمریکا لە بەغدا بڵاویکردەوە، ئەو هەواڵانەی ئاماژە بەوەدەکەن کە هێزەکانی ئەمریکا لە سبەینێوە بەغدا بە تەواوی چۆڵ دەکەن، ناڕاستن.
جەخت لەوەش دەکاتەوە، بەپێی ئەو بەیاننامە هاوبەشەی لە 27ـی ئەیلولی 2024 دەرچووە، کە خشتەیەكی کاتیی بۆ کۆتایهاتنی ئەرکی سەربازی هاوپەیمانی نێودەوڵەتی بۆ شکستپێهێنانی داعش لە عێراق راگەیاندووە، ئەرکی هێزە هاوبەشەكان – ئۆپەراسیۆنی ئیرادەی پۆڵاین لە ئێستادا بەردەوامە لە کارکردنی.
گوتەبێژی باڵیۆزخانەی ئەمریکا لە بەغدا باسی لەوەشکرد، بەپێی ئەو کاتەی رێککەوتنی لەسەر کراوە بۆ گواستنەوەی هێزەکانی هاوپەیمانان بەرەو کۆتایی ئۆپەراسیۆنە سەربازییەکان لە عێراق.
لە بڵاوکراوەکەدا هاتووە، ئەم کارە بەرەوپێشچوونی ئەرکی سەربازی هاوپەیمانی لە عێراق بەرەو پەیوەندییەکی ئەمنی دوولایەنەی نەری دەبات
