وەزیری تەندروستی: شتێک نیە بەناوی ناوک کەوتن
وەزارەتی تەندروستی ڕوونکردنەوەک دەدات لەبارەی هێنانەوەی ناوک
وەزیری تەندروستی حکومەتی هەرێمی کوردستان دوای ئەوەی گەنجێک بەهۆی ناوک هێنانەوە دەمرێت هاتە دەنگ و دەڵێت: "لەدونیادا شتێک نییە بەناوی ناوک کەوتن".
ئەمڕۆ هەینی سامان به‌رزنجی وه‌زیری ته‌ندروستی حكوومه‌تی هه‌رێمی كوردستان دەربارەی ناوک هێنانەوە ڕایدەگەیەنێت، هیچ پێناسەیەکی پزیشکی بۆ ناوک کەوتن نییه.
ئاشکرای دەکات، نە لە هیچ سەرچاوەیەکی پزیشکی و تەندروستی، نە لە هیچ دونیا شتێک نیە بەناوی ناوک کەوتن.
سامان بەرزنجی لە درێژەی قسەکانیدا گووتی: "مرۆڤ کاتێک هەست بە نەخۆشی یان هەر نیشانەیەکی نا سروشتی بکات پێویستە سەردانی نەخۆشخانە بکات و چاره‌سه‌ریی وه‌ربگرێت".
ئەم ڕوونکردنەوەیە دوای ئەوەدێت، گەنجێکی تەمەن 25 ساڵان لە سنووری ئیدارەی سۆران کە کارمەند بووە لە یەکێک لە نەخۆشخانەکانی بەهۆی هێنانەوەی ناوک گیانی لەدەستدا.
