فیلمی پەچە 2 خەڵاتی لە فێستیڤاڵی نێودەوڵەتیی فیلمی دهۆک بەدەستهێنا

پەچە لە نێوان فلیمی ملیۆن دۆلاریی بە باشترین فلیمی سینەمایی فێستیڤاڵی نێودەوڵەتیی فیلمی دهۆک دەستنیشانکرا و بوو بە خاوەنی 2خەڵات.

ئەمڕۆ سێشەممە محەممەد شێروانی، نووسەر و دەرهێنەر بە پایتەخت میدیای راگەیاند، فیلمی سینەمایی (پەچە) لە نووسین و دەرهێنانی محەممەد شێروانی لە نێوان 6 فیلمی سینەمایی لە 12هەمین فێستیڤاڵی نێودەوڵەتیی فیلمی دهۆک بووە خاوەنی 2 خەڵات و بڕە پارەیەکی دیاریکراو، فلیمەکە خەڵاتی تایبەتی لێژنەی تایبەتی دادوەری و کارەکتەری نۆ لە فلیمی سینەمایی پەچە خەڵاتی باشترین ئەکتەری ئافرەتی تەنیا ماوەی 3 خولەک چاوی دیارە بەدەستهێنا.

محەممەد شێروانی باس لەوەدەکات، فلیمی سینەمایی پەچە لە ماوەی دوو ساڵەدا کاری بەرهەمهێنان و وێنەگرتن و مۆنتاژی بۆ کراوە، بڕی 50 هەزار دۆلاری تێچووە، لە نێو فێستیڤاڵەکە لە پێشبڕکێی فلیمی ملیۆن  و نیو دۆلاری بووە.

بەگووتەی محەممەد شێروانی، فیلمەکە لە هەولێر و کەمپی حەسەن شام بەرهەم هێندراوە، بە بەشداری ژمارەیەک ئەکتەری کورد بە ناوەکانی ( سەمیرە حاجی، سەید کەمال، خەرمان ئیرانی، میران دزەیی و عادل عەبدولرەحمان).