ڕەحمان غەریب، شهوی ڕووداوهكهی لالهزار به شهوی ئاگر و ئاسن و كارهسات ناو دهبات، به گرنگییهوه ڕۆلی ئاوات تاڵهبانی دهگێڕێتهوه و وەک تاقە هیوایەک بۆ وەستاندنی شەڕەکە ناوی دهبات.
ئەمڕۆ ڕێکەوتی 22ی ئابی 2027، یەک ساڵ بەسەر یەکێک لە توندوتیژترین ڕووداوە سیاسییەکانی شاری سلێمانی تێپەڕ دەبێت کە تێیدا بارهگای سەرەکیی لاهور تاڵهبانی، سەرۆکی بەرەی گەل لە هۆتێل لالەزار گەمارۆ درا و بە چەکی قورس هێرشی کرایە سەر.
بەپێی گێڕانەوەکانی ڕەحمان غەریب، ڕۆژنامەنووس و ڕێكخهری سهنتهری میتەر، ئەو شەوە جگه له ململانێیەکی سیاسی، شەوێکی پڕ لە ئاگر و ئاسن و بۆردوومان بووە کە تێیدا دەنگی تەقینەوە و دەسڕێژی چەک گۆیژەی هەژاندووە.
لەناو ئەو هەموو دووکەڵ و خوێنەدا، ئاوات تاڵهبانی، خوشکی لاهور تاڵهبانی وەک تاقە هیوایەک بۆ وەستاندنی شەڕەکە دەرکەوتووە، کە لەنێوان گریانی بۆ کوژراوەکان و باوەشکردن بە براکانیدا، هاواری بۆ ئامۆزاکانی کردووە کە شەڕ ڕابگرن و خوێنی کورد نەڕێژن.
ڕەحمان غەریب باس لەوە دەکات کە ئاوات تاڵهبانی لەو شەوەدا وەک شەتڵێکی ئاشتی لەناو ماڵە وێرانبووەکەدا ڕای کردووە و داوای لە براکانی کردووە بە نەرمی وەڵامی پەیوەندییەکان بدەنەوە بۆ ئەوەی ڕێگری لە نەزیفی خوێن بکەن.
دهقی بڵاو كراوهكهی ڕەحمان غەریب:
كاتژمێری دیواركە
كەس تەماشای من ناكات، بەڵام من چاوم بڕیوەتە ئەم پانتاییەی بە ئاگرو ئاسن گەمارۆ دراوە، لەناو گرمەی تەقینەوەكان و دەسڕێژی چەكی بێشووماردا دەنگی ژنێك دەبیستم بە تەنیا هەندێ جار دەگری و هاوار دەكات هەندێ جارەش رووی بابی ئەو ڕۆژە ڕەش دەكات كە ئامۆزكانی گەیاندە ئەم شەوە ترسناك و خوێناوییە. ئەو شەتڵی ئاشتییە، لە هەموو ماڵێكدا بچێندرێت.
بە پاڕانەوە هاوار دەكات؛ هەردولا كورد و یەكێتی و یەك بنەماڵەن شەڕ ڕاگرن، بەڵام وەك ئەوەی قسە بۆ دیوار بكات، ئاگر دەهاتە ناو ژوورەكان، هەنگاوە ماندووەكانی دەنا، بەسەر تەرمێكا دەگریا و باوەشی بە براكەی دەكرد، شۆكی بۆردوومان نەیدەتوانی ئومێدی ئاشتی لە رووخساریا ئاوابکات.
ئەم ژنە عینادە، لەو شەوەی ژیان و مەرگ زۆر لەیەكتر نزیكبوون، ئەو پڕبوو لە سۆز و دڵنەوایی، لەناو ئەو ماڵە تاریك و وێرانەدا، رایدەكرد، بە براكانی دەووت بە خۆشی و نەرموونیانی بدوێن و وەڵامی پەیوەندییەكان بدەنەوە، لەگەڵ دوو ژنی ژوورەكە بیردەكاتەوە و دەڵێت: ئەم نەزیفی خوێنە دەبێت بوەستێت.
دەچێتە نهۆمی سەرەوە، هەركاتێك لە ئومێد نزیك دەبێتەوە زرمەیك درزی تێدا دەكات، مۆبایلەکەی دەكاتەوە، لە سۆشیال میدیا باس لە هاتنی (باجەر) دەکرێ، هێزێكی زۆر كۆدەبنەوە، لە ئاسمان و زەوی ئاگر دەبارێ، ئەم هەر دەجوڵێ و هاواری ئاشتی دەكات، دەمبینی دوعای ژیان و ئاشتی دەكات، بە پاڕانەوە ئایەتێكی قورئان دەخوێنێت: یارەبی وەك من جەرگم سوتاوە كەس جەرگی نەسوتێت.
ئەو كاتەكانی بەسەر كارەساتی ئەو رۆژە دابەشدەكرد، هەوڵی دەدا هەموو هێمن بن، دەچوە لای بریندارێك، كارگوزار و پاشان براكانی ، ئاگریش لە هەموو لایەكەوە پەلاماری دەدان، پەیوەندی بە ئاگركوژێنەوە دەكات، نە ئاگری ماڵ و نە ئاگری دەرونی کەس نەیکوژانەوە، پەیوەندی بە ماڵەوایان دەكات و پێیان دەڵێت ئێمە تەواوبووین... تەواو.
لەو شەوە توندو تیژەدا سەرنج دادات جگە لە ئاگرو ئاسن و فیشەك هیچی نایەتە ژوورەوە، رادەكاتە دەرەوە پێیان دەڵی شەڕ راگرن، نەدەوەستا و هاواری ئامۆزا دەكات، شەڕ راگرن شەڕ راگرن بەناو هێزەكە دەڕوات: من ئاواتم دایكی بەیارم، ئیتر بەس نییە؟.
ئێستاش شوێنەواری ئەو ڕۆژە كارەستبارە لەدڵ و بریكردنەوەیدا نەسڕاوەتەوە. "خۆزگە لەناو خەوێكدا دەبووم كە خەبەرم دەبێتەوە هەموو ئەو روودانە درۆ دەبوون" خەویش بێت راگوزەر نەدەبوو، قەت ئەو ئازارە لە دڵم دەرناچێت، ئاواتی شێخ جەنگی وای ووت.
