سەرۆک بارزانی دەستووری عێراق وەک نەخشەڕێگەیەکی گونجاو بۆ چارەسەرکردنی تەواوی گرفتە لەئاراداکان دەستنیشان دەکات.
ئەمڕۆ لە پیرمام سەرۆک بارزانی پێشوازی لە سەرۆک و ئەندامانی ئەنجوومەنی پارێزگای سەلاحەدین کرد.
لە دیدارەکەدا، شاندی میوان پیرۆزبای 80 ساڵەی دامەزراندنی پارتی دیموکراتی کوردستانیان کرد و ستایشی ڕۆڵی سەرۆک بارزانی و قوربانیدانی هێزەکانی پێشمەرگەیان کرد لە شهڕی داعش، دابینکردنی سەقامگیری و حەواندنەوەی ئاوارەکان.
هاوکات داوایان کرد، هەماهەنگیی کارگێڕی لەنێوان پارێزگای سەلاحەدین و پارێزگاكانی هەرێمی کوردستاندا هەبێت بۆ سوودوەرگرتن لە ئەزموونی ئاوەدانیی هەرێم.
لە بەرامبەردا، سەرۆک بارزانی دەستخۆشی لە کار و هەماهەنگیی نێوان پێکهاتەکانی پارێزگای سەلاحەدین کرد و جەختی لە گرنگیی برایەتی و پێکەوەژیان کردەوە.
لە کۆبوونەوەکەدا. سەرۆک بارزانی ئاماژەی بە مێژووی خەباتی گەلی کوردستان کرد و ڕایگەیاند، ڕژێمەکانی پێشوو نەیانتوانی ناکۆکییە سیاسییەکان بکەنە کێشەی نێوان پێکهاتەکانی عێراق.
