نووری مالیکی سەرۆکایەتی یەکەم دانیشتنی پەرلەمان دەکات
ئەگەری هەیە نووری مالیکی وەک بەتەمەنترین کاندیدی دەرچووی پەرلەمان سەرۆکایەتی یەکەم دانیشتنی پەرلەمان بکات
دوای ڕاگەیاندنی ئەنجامەکانی هەڵبژاردنی پەرلەمانی عێراق و دەرچوونی نووری مالیکی، پێشبینی دەکرێت سەرۆکایەتی یەکەم دانیشتنی پەرلەمان بکات.
ئەگەر نووری مالیکی، سەرۆكی هاوپەیمانیی دەوڵەتی یاسا و سەرۆكوەزیرانی پێشووتری عێراق لە دوو خولدا بچێتە پەرلەمان، سەرۆكایەتیی یەكەم دانیشتنی ئەم خولەی ئەنجوومەنی نوێنەرانی عێراق دەكات.
نووری مالیکی بەتەمەنترین كاندیدی سەركەوتووی ئەم هەڵبژاردنەیە، تەمەنی 75 ساڵە و بەپێی ڕاگەیاندنی ئەنجامی كۆمسیۆن 68,785 دەنگی هێناوە و لەسەر ئاستی زۆرترین دەنگی كاندیدەكان، لە پلەی چوارەم دێت.
ئەمە لە کاتێکدایە، بەگوێرەی پەیڕەوی ناوخۆیی ئەنجوومەنی نوێنەرانی عێراق، تاوەكو هەڵبژاردنی دەستەی سەرۆكایەتی خولی نوێی پەرلەمان و ڕاسپاردنی لایەنی براوەی یەكەمی هەڵبژاردن بۆ دیاریكردنی دەستەی سەرۆكایەتییەكە، بەتەمەنترین كاندیدی دەرچوو، سەرۆكایەتیی یەكەم دانیشتنی ئەنجوومەنی نوێنەران دەكات.
