ئۆجهلان چی به مهزڵووم عهبدی گوت؟
ئۆجهلان داوایهك ئاڕاستهی مهزڵووم عهبدی و ئیلهام ئهحمهد دهكات
راپۆرتێکی ڕۆژنامەوانی تیشک دەخاتە سەر کۆبوونەوەی نێوان عەبدوڵڵا ئۆجەلان و سەرکردەکانی ڕۆژئاوای کوردستان لە زیندانی ئیمرالی، کە ئامانج لێی تاوتوێکردنی پڕۆسەی ئاشتی و داهاتووی ناوچەکەیە.
بەپێی زانیارییەکانی ڕۆژنامەی جمهوریەتی تورکی، لە ئازاری ڕابردوودا مەزڵووم عەبدی، فەرماندەی گشتیی هێزەکانی سووریای دیموکرات، لەگەڵ ئیلهام ئەحمەد، بەرپرسی باڵای سیاسیی ڕۆژئاوای کوردستان، سەردانی زیندانی ئیمرالییان کردووە. لەو دیدارەدا ئۆجەلان داوای لە هەسەدە کردووە لەگەڵ حکومەتی دیمەشق بگەنە ڕێککەوتن، چونکە بە بڕوای ئەو، تەنیا لە ڕێگەی لێکتێگەیشتنی سیاسی لەگەڵ سووریا دەتوانن وەک هێزێکی دانپێدانراو بمێننەوە و پارێزراو بن.
ئەم پێشهاتانە لە کاتێکدایە کە فەرماندەی گشتیی هەسەدە پێشتر لە ناوەڕاستی هەمان مانگدا بە ماڵپەڕی ئەلمۆنیتۆری ئەمریکی ڕاگەیاندبوو کە ئەگەری هەیە سەردانی تورکیا بکات بۆ بینینی ئۆجەلان. لەگەڵ ئەوەشدا، تا ئێستا هێزەکانی سووریای دیموکرات بە فەرمی ڕوودانی ئەم دیدارەیان نە ڕەتکردووەتەوە و نە پشتڕاستکردووەتەوە.
لە ناوخۆی تورکیادا، کاردانەوەکان جیاوازن؛ سەرکردەکانی پارتی داد و گەشەپێدان (ئاکپارتی) ڕایانگەیاندووە کە بێ دانانی چەک لەلایەن هەموو گرووپەکانەوە، هیچ هەنگاوێکی نوێی یاسایی بۆ ئاشتی نانرێت. هاوکات جیاوازی لە نێوان هەڵوێستەکانی مەهەپە و دەم پارتیدا هەیە، و سەرۆککۆماری تورکیاش بە وریاییەوە مامەڵە لەگەڵ دۆسیەکەدا دەکات بۆ ڕێگریکردن لە کاردانەوەی توندی دەنگدەرە نەتەوەییەکان.
