سەدان زیارەتکار بەهۆی هەناسە تەنگی گەیەندرانە نەخۆشخانە
لە ئەرشیفەوە، وێنەی ژمارەیەک زیارەتکار لە هەولێەرەوە دەچن بۆ کەربەلا
کورتە
لە کاتی چوونیان بۆ کەربەلا سەدان زیارەتکاری شیعە مەزهەب تەندرووستیان تێکچوو
زیارەتکاران لەکاتی چوونیان بۆ کەربەلا بۆ یادکردنەوەی چله‌ی ئیمام حوسێن تووشی هەناسە تەنگی بوون و گەیەندراوەنەتە نەخۆشخانە.
ئەمڕۆ یەکشەممە، وه‌زاره‌تی ته‌ندروستی عێراق ئاماری ئەو زیارەتکارانی ڕەوانەی نەخۆشخانە کراون ڕاگەیاند، ڕووداوی هه‌ناسه‌ته‌نگی زیاره‌تكاران شەوی شەممە لەسەر رێگای بەیەکەوە گرێدانی شارەکانی نەجەف و کەربەلا روویداوە کە مەزارگەی ئیمام حسێن و عەباسی برای لێیە.
ئەوەشی خستەڕوو، 621 حاڵەتی هه‌ناسه‌ته‌نگی لە ئەنجامی دزەکردنی گازی کلۆر لە کەربەلا تۆمارکراوە.
لە درێژەی راگەیەندراوەکەدا ئەوەش هاتووە، هەموویان چارەسەری پێویستیان وەرگرتووە و بە تەندروستییەکی باشەوە نەخۆشخانەکانیان بەجێهێشتووە.
هەڵبژاردنەکانی پێشکەشکردن
