قسەکانی ڕەنگدانەوەی کەسایەتی بچووکی خۆیەتی

پارتی دیموکراتی کوردستان وەڵامێکی تووندی ئاڕاستەی شاسوار دەکات، کە لێدوان و ڕەفتارەکانی ئەم دواییەی تەنها ڕەنگدانەوەی بچووک بینینی کەسایەتیی خۆیەتی.

هۆبەی بەدواداچوونی میدیایی لە بەشی ڕۆشنبیری و ڕاگەیاندنی پارتی دیموکراتی کوردستان بڵاویکردەوە، لێدوان و ڕەفتارەکانی ئەم دواییەی شاسوار عەبدولواحید تەنها ڕەنگدانەوەی بچووک و سووک بینینی کەسایەتیی خۆیەتی.

لە ڕاگەیەندراوەکەی بەشی ڕۆشنبیری و ڕاگەیاندنی پارتی هاتووە، هەر کەسێک تۆزقاڵێک نرخ و ڕێز بۆ ئەو خەڵکە دابنێت کە کاری لەگەڵدا دەکەن، ئەوا هەرگیز بەو ئاستە نزمە قسە ناکات و بەم جۆرە ڕەفتارانە هاوڕێ و هاوکارەکانی تووشی ئیحراجی ناکات. 

لە کۆتایی دا بەشی ڕۆشنبیری و ڕاگەیاندنی پارتی جەختی کردووەتەوە، شاسوار عەبدولواحید بەهۆی ئەم قسە و ڕەفتارانەیەوە، لە ئێستادا هێندە بە بچووک و دەروون ‌شێواو دەبینرێت کە بە هیچ شێوەیەک شایستەی وەڵامدانەوە نییە.